فديت أسمك ,, أذا أسمك .. اهـو قافـي وعنوانـه

على رعشة ظما جيتك .. أبي نظره علىحالي
أبيك تشوف محبوبك .. كيـف ان القـدر خانـه
أجيك وكلي ياصغري .. وقلبمن الكبر خالـي
وأحـاول قـد ما أقـدر .. أدور للرضـا خـانـه
آنا لو قلت آنا أحبـك .. وحبـك مشغـلٍِ بالـي
تصفق لي عروق القلب .. تغني لي علىألحانـه
آخاف آطيح من عينك .. بعد ماكنت آنـا غالـي
آخاف آكون ذاك اللـي .. فقـد ربعـه وخلانـه
آخاف أني أصوّت لك .. وآصيح بصوتي العالـي
وآخاف أنك تجاهلني .. وتنكـر قلبـي واعلانـه
آنا وشلون أسولف لك ..؟ وأعبر لك عن أحوالي
عطني فرصه وازهلها .. أخلـي الدنيـا رويانـه
قلوبٍ ترتجي وصلي .. وآنا أكبـر منهـا بوصالـي
أبيع قلوب حبتنـي .. وكـل هـذا علـىشانـه
أنادي له حبيب الروح .. تعـال وخلـك قبالـي
تعال وكلي سميتـك .. ( عقـد لولـو ومرجانـه)
تعال وننسى دنيانا .. ونسكـن برجنـا العالـي
ونكتب للحزن فارق .. ماعـاد لدمعتـك خانـه
تفضل دامني خيلك .. حبيبـي وأنت خيّالـي
قصيدة عشق سميتـك .. وقلـبٍ ياكبـر شانـه
حبيبي لـو تناسيتـك .. أمانـه منهـو يبقالـي؟
بشر ماهمهم قلبـي .. بشـر والدنيـا خوّانـه
هذاك بيفرح لموتـي .. وذاك بيشمـت بحالـي
قلوبٍ ماتعرف الحب .. علـى هالدنيـاغلطانـه
حبيبي لو بغيت الموت .. أبيـك تكـون قتّالـي
بشرع الحب آنامسامـح .. أذا هالدنيـا زعلانـه
ولو ماودك بموتي .. أكـون بسجنـك أحلالـي
سجينك من وسط سجنـه .. يناديلـك ياسجّانـه
أحبـك يالغـلا دامـك .. بقلـبـي الأول التـالـي
طيري في سما صـدرك .. يرفرفلـك بجنحانـه
أبيك تعيشني قصـة .. قبـل موتـي وترحالـي
قبل لايندفـن شوقـي .. مـدام كفوفـي عطشانـه
حبيبـي طالبـك طلبـه .. إذا وصلـك تهيّا لـي
ترا عمر الزمن جافي .. ولـو ضمتنـي أحضانـه
أبيك تضمني حتى .. تشوف أنـه هـدا بالـي
وإذاحسيت في روحي .. تراها حيـل ولهانـه
أبي أغفى على ثغرك .. وأذوب بريقك الحالي
وإذا صحتني مزونك .. تراها الـروح سكرانـه
أبي أقهر قلوب البعض .. ومنها قلوب عذّالـي
أبي أدبل كبـود اللـي .. بغـت حزنـي وعنوانـه
أبي لامنهم دروا عنك .. ترفع حاجبـك عالـي
رجيتك أسكت وطالـع .. هـذولا نـاس مرضانـه
فديت حاجبك ورمشك .. فديت الطيّب الغالـي
فديت أسمك ,, أذا أسمك .. اهـو قافـي وعنوانـه

صح لسانك

مشكوررررر على القصيده

مشكوررررررررررررررررررررررررررررر على الموضوع